احنا اتنين اخوات
بس عمرنا ما كان اتنين
طول عمرنا حد واحد
حبينا اننا نتكلم نزعق نتالم نبكى
و بم اننا فى زمن محدش فيه بيطبطب على حد قولنا نطبطب على بعض
يمكن نلاقى حد زيينا محتاج حد يطبطب عليه ويداويه انشاللة حتى بكلمة عبيطة
نضحك على الهم ونضحكه معانا
تعالو نحكى عن كل اللى تاعبنا ومفرحنا وأرفنا ومنكد عيشتنا
يمكن فى ساعة مفترجة ربنا يلهمنا راحة البال
ونحكى عن زكرياتنا ومواقفنا
وتعالو كمان نتخانق
اه نتخانق مش اى اتنين اصحاب او اخوات بيتخانقو
تعالو نتخانق بس بحنية على بعض مندوسش اوى على بعض
علشان نحب نفسنا ونحب بعض
نوفا
10 التعليقات:
انا معاكى
هطبطب وهداوى جروح وهفك كربة اى انسان
بس انا مش بعرف احكى او اشتكى تقريبا بحبس نفسى وانعزل عن الناس اثناء الازمات والكرب لحد ماربنا يفرجها
وقليل جدا لما افضفض فى الوقت ال قربت فيه انى اكون هطق مع ان اسم مدونتى فضفضه
حلوه فكرتك اوى
اعتقد انا اول تعليق؟
تحياتى
اغنية هشام عباس حلوه واعتقد كل الناس بتحبها لان كلنا كنا بنحلم وقت الطفوله اننا نكبر وادينا كبرنا
وياريتنا فضلنا صغيرين
بس حلوه اوى نحكى ال منكد علينا عيشتنا هههههههههه عسل ياسهر
بصى ال نفسكى فيه طلعيه وانا هظبطك ههههههه
والله ضحكتينى فكره حلوه
انتى كام سنه ياسهر ؟ وبتشتغلى؟
فضفة
اهلا بيكى
معقول مدونتك اسمها فضفضة وانتى مبتفضفضيش
عموما هنا لازم ولابد وحتما تفضفضى امال ايه
والاغنية بتاعة هشام عباس دى
تحفة اوى
بتتكلم عننا كلنا وبتلمسنا اوى لما بنشتاق لروعة وجمال طفولتنا
وانا بقا ياستى اللى كاتبة البوست مش سهورة
احنا الاتنين هنكتب فى المدونة وياستى فى بيتها انا وسهر مفيش بينا اى فرق ممكن حد بلاحظه
منوانا اوى وبما انك اول تعليق
اعتبرى نفسك صديقة البرنامج
هههههه اقصد المدونة
تتمسى بالخير :)
neven
ماشى ياجميل اهلا بيكى
وان مكنتش بفضفض فى مدونتى هفضفض هنا ويارب ماتزهقوا منى
تحياتى لكى ول سهر
ههههههههه
مدونة شكلها هتكون جامدة اخر حاجة
انا برده مبقتش اعرف افضفض اوي !
بس يالا اكيد هايكون ليا شوق في حاجات
تقبلي مروري
واتمني التواصل
سلامو عليكو..
فكرتك حلوة وانسانية اوى وتمس القلب وكمان الاغنية .
ربنا يخليكو لبعض.
برجاء قبولى صديقة للمدونة.
سلاممممو عليكو..
انتى فين ؟لعل المانع خير ان شاء الله.
انى احبك فى الله
طب المدونه بجد فكرتها حلوه
وشكلها كده يشرح القلب .. اصلى بحب الاخضر
لكن ليه موقفينها عند ابريل ومش راضيه تتحرك
لعل المانه خير
أسجل مرورى كل عام وأنتم بخير
أسجل مرورى كل عام وأنتم بخير
إرسال تعليق